ആകാശത്തു മുകിലിനെ നോക്കി അതിശയിച്ചു നിൽക്കുന്ന ഒരു കൊച്ചു കുട്ടിയുടെ ആത്മാർത്ഥ ആഗ്രഹമാണ് സുവർണ്ണമുകിലെ എന്ന ഗാനത്തിന് ആധാരം.
സുവർണ്ണമുകിലിനെ എന്നും അതിശയത്തോടു കാണുന്ന കുട്ടിക്ക്, മുകിലിനെ കൂടെ കൂട്ടിയാൽ തന്ടെ ഏകാന്തത അവസാനിപ്പിക്കുമെന്നും യഥേഷ്ടം എവിടെയും കൂടെ പറന്നു പോകാമെന്നും ആശിക്കുന്നു.
ദിശ തെറ്റി പറക്കുന്ന മുകിലിന് മാര്‍ഗനിര്‍ദ്ദേശം അത്യാവശ്യമാണെന്നും അവൾ മനസിലാക്കുന്നു. കൂടെ വന്നാൽ ഉത്തമ തോഴിയാകാമെന്നും കുട്ടി ഉറപ്പു കൊടുത്തിരിക്കുന്നു.
പല തവണ അപേക്ഷിച്ചിട്ടും കൂടെ വരുന്നില്ല എന്ന് കണ്ട കുട്ടിയുടെ ആത്മ രോദനമാണ് ഈ ഗാനത്തിന്ടെ സാരം
സുവർണ്ണമുകിൽ
================
സുവർണ്ണമുകിലേ, സുവർണ്ണമുകിലേ, അരികിൽ അണയുമോ നീ ?
സുന്ദരമായൊരു സ്വപ്‌നത്തെ വിടർത്തും സുവർണ്ണ സഹചരനേ
അനന്തമാകുമീ നീല വിഹായസ്സിൽ നീന്തി യകലരുതേ
എന്നെയീനേരം കൂട്ടീടുമെന്നാൽ അണയാം നിൻ തുണയായ് !
വരുമോ നീ വിൺമുകിലേ
വഹിക്കൂ നീ വൻ ചിറകിൽ
പായുമോ നീ എൻ തുണയായ്
പറയൂ നീ വിൺമുകിലേ
അണഞ്ഞിടാം ഞാൻ നിൻ പ്രിയയായ്
സുവർണ്ണമുകിലേ, സുവർണ്ണമുകിലേ, അരികിൽ വന്നീടൂ നീ
വർണ്ണ മനോഹര ഉലകിലലയും സുന്ദര അനംഗനനേ
അഞ്ചിതമുണർത്തും പ്രപഞ്ച വീഥിയിൽ പാറിയകലരുതേ
എന്നെയിനേരം കൂട്ടീടു മെന്നാൽ കൂടാം നിൻ തുണയായ്
എത്തിടുമോ നീ മുകിലേ
ഏറ്റിടു നീ വൻ ചിറകിൽ
വന്നീടു നീ എൻ തുണയായ്
പറയൂ നീ വിൺമുകിലേ
കൂടിടാം ഞാൻ നിൻ പ്രിയയായ്
സുവർണ്ണമുകിലേ, സുവർണ്ണമുകിലേ, തോളിൽ ഏറ്റിടൂ നീ
കൊടുമുടി താണ്ടി പൂവനമെന്നെ ഉടനടി കാട്ടുമോ നീ
സാഗര തീരം കടന്ന് നീ നീന്തിയകലരുതേ
എന്നയീനേരം കൂട്ടീടു മെന്നാൽ ശോഭന സുന്ദരമാം !
Music & Lyric writer : Saju Sanipa,
Singers : Arathy Ashtaman
No comments:
Post a Comment